ഔദ്യോഗികമായി തന്റെ രാഷ്ട്രീയ പ്രവേശനം പ്രഖ്യാപിച്ച് നടൻ വിജയ്. ‘തമിഴക വെട്രി കഴകം’ എന്നാണ് പാർട്ടിയുടെ പേര്. കഴിഞ്ഞയാഴ്ച ചെന്നൈയിൽ (Chennai) നടന്ന യോഗത്തിൽ ഫാൻസ് ക്ലബ്ബായ വിജയ് മക്കൾ ഇയക്കം രാഷ്ട്രീയ പാർട്ടി രൂപീകരണത്തിന് അനുമതി നൽകിയതിന് പിന്നാലെയാണ് താരം പാർട്ടീ രൂപീകരണ പ്രഖ്യാപനം നടത്തിയിരിക്കുന്നത്. തിരഞ്ഞെടുപ്പ് കമ്മീഷനിൽ (Election Commission) പാർട്ടിയുടെ പേര് രജിസ്റ്റർ ചെയ്യാനുള്ള നടപടികൾ ആരംഭിച്ചിട്ടുണ്ട്.
ജനങ്ങൾ ആഗ്രഹിക്കുന്ന രീതിയിൽ പൊതു രാഷ്ട്രീയ പ്രവർത്തനത്തിൽ മാറ്റം കൊണ്ടുവരുക എന്നതാണ് തന്റെ ലക്ഷ്യമെന്ന് വിജയ് അറിയിച്ചു. അതേസമയം വരാൻ പോകുന്ന 2024 ലോക്സഭ തിരഞ്ഞെടുപ്പിൽ തന്റെ പാർട്ടി മത്സരിക്കില്ലയെന്നും നിലവിൽ കരാറിൽ ഏർപ്പെട്ടിരിക്കുന്ന സിനിമകൾ പൂർത്തിയാക്കിയതിന് ശേഷം അഭിനയം ഉപേക്ഷിക്കും എന്നും താരം പറഞ്ഞു.
തമിഴക വെട്രി കഴകം; രാഷ്ട്രീയ പ്രവേശനം പ്രഖ്യാപിച്ച് നടൻ വിജയ്
