27ാ-മത് കേരള രാജ്യാന്തര ചലച്ചിത്ര മേളയ്ക്ക് തുടക്കാമായി. മുഖ്യമന്ത്രി പിണറായി വിജയൻ IFFK മേള ഉദ്ഘാടനം ചെയ്തത്. പതിവായി ദീപങ്ങൾ കത്തിക്കുന്ന രീതിയെ മാറ്റി പിടിച്ച് വ്യത്യസ്തമായി ആർച്ച് ലൈറ്റുകൾ കത്തിച്ച് കാണികൾക്ക് നേരെ തെളിച്ചുകൊണ്ടായിരുന്നു ഉദ്ഘാടനം നടത്തിയത്.
ലോകത്താകമാനമുള്ള മനുഷ്യാവസ്ഥകളെ പ്രതിഫലിപ്പിക്കുക എന്ന ദൗത്യം കണക്കിൽ എടുത്ത് ചലച്ചിത്ര മേളകൾ നടക്കട്ടെ എന്നും ഇത്തരം ചലച്ചിത്ര മേളകളെ സങ്കുചിതമായ ആശയങ്ങളുടെ പ്രചാരണത്തിനുള്ള ആയുധങ്ങളാക്കി മാറ്റാൻ ശ്രമം നടക്കുന്നതായി മുഖ്യമന്ത്രി പറഞ്ഞു.മാനുഷികമായതൊന്നും ഇത്തരം മേളകൾക്ക് അന്യമല്ലന്നും സങ്കുചിതചിന്തകളുടെ ഭാഗമാക്കി ചലച്ചിത്ര മേളകളെ മാറ്റാനുള്ള ശ്രമം ശരിയല്ലെന്നും അദ്ദേഹം കൂട്ടിചേർത്തു.
ഡിസംബർ 9 ന് ആരംഭിച്ച ചലച്ചിത്രോത്സവം 5 തീയറ്ററുകളിൽ ആയി 185 സിനിമകൾ പ്രദർശിപ്പിക്കും. 8 ദിവസത്തെ ചലച്ചിത്രോത്സവം ഡിസംബർ 16 ന് അവസാനിക്കും.
