ഇത് തെരഞ്ഞെടുപ്പ് കാലമാണ്. മാധ്യമങ്ങളുടെ കണ്ണുകൾ ഏറെ അക്ഷമയോടെ വാർത്തയെ കാത്തിരിക്കുന്ന കാലം. ഈ സമയത്ത് മാധ്യമങ്ങളെ അഭിമുഖീകരിക്കുന്ന മാനസികാവസ്ഥയെ കുറിച്ച് പറഞ്ഞിരിക്കുകയാണ് തമിഴകത്തിന്റെ സൂപ്പര്‍താരം രജനികാന്ത്. തെരഞ്ഞെടുപ്പ് സമയത്ത് വായ തുറക്കാന്‍ പോലും തനിക്ക് ഭയം തോന്നാറുണ്ടെന്ന് അദ്ദേഹം അഭിപ്രായപ്പെട്ടു. ചെന്നൈയിൽ കഴിഞ്ഞ ദിവസം ഒരു ആശുപത്രിയുടെ ഉദ്ഘാടനത്തിന് അതിഥിയായി പങ്കെടുക്കാനെത്തിയപ്പോഴായിരുന്നു താരത്തിൻെറ ഈ വാക്കുകൾ വാക്കുകള്‍. നിരവധി മാധ്യമപ്രവര്‍ത്തകര്‍ തന്നെ തേടിയെത്തുന്നതിനാൽ ഈ ചടങ്ങില്‍ത്തന്നെ സംസാരിക്കാന്‍ ആദ്യം തനിക്ക് താല്‍പര്യമുണ്ടായിരുന്നില്ലെന്നും രജനികാന്ത് പറഞ്ഞു. തെരഞ്ഞെടുപ്പ് അടുത്തിരിക്കെ ഓരോ വാക്കുകളും എളുപ്പത്തില്‍ വളച്ചൊടിക്കപ്പെടുമെന്നും ക്യാമറകള്‍ കാണുമ്പോള്‍ ശ്വാസം വിടാന്‍ പോലും ഭയം തോന്നും എന്നും അദ്ദേഹം ചടങ്ങിൽ പറഞ്ഞു. ടി ജെ ജ്ഞാനവേല്‍ രചനയും സംവിധാനവും നിര്‍വ്വഹിക്കുന്ന വേട്ടൈയനാണ് രജനികാന്തിന്‍റേതായി പുറത്തിറങ്ങാനിരിക്കുന്ന അടുത്ത ചിത്രം. അമിതാഭ് ബച്ചന്‍, ഫഹദ് ഫാസില്‍, റാണ ദഗുബാട്ടി, മഞ്ജു വാര്യര്‍ തുടങ്ങി വന്‍ താരനിര അണിനിരക്കുന്ന ചിത്രമാണിത്. രജനികാന്തിന്‍റെ കരിയറിലെ 171-ാം ചിത്രമായിരിക്കും അത്.
തെരഞ്ഞെടുപ്പ് കാലത്തെ മാനസികാവസ്ഥയെക്കുറിച്ച് രജനികാന്ത്
